بڈگام میں شبانہ چھاپوں ،گردفتاریوں کے خلاف مظاہرے

تعمیل ارشاد ملٹی میڈیا ڈیسک
ضلع بڈگام کے آری پانتھن علاقے میں شبانہ چھاپوں اور مقامی لوگوں کی گرفتاریوں کے خلاف عوام نے زبر دست احتجاج کیا۔لوگوں کے مطابق علاقے میں درجنوں افراد کو گرفتار کیا جاچکاہے۔اور شبانہ چھاپے بدستور جاری ہیں۔عوام کے مطابق پولیس رات کے اوقات کے دوران گھروں میں گھس کر توڑ بھوڑ اورمرد و خواتین کوہراساں کرتے ہیں۔ لواحقین کا کہنا ہے کہ گرفتار کئے گئے تمام نوجوان بے قصور ہیں۔
مقامی باشندوں کا کہنا ہے کہ وہ ان شبانہ چھاپوں،گرفتاریوں اور افراد خانہ کو ہراساں کرنے کے خلاف احتجاج کررہے ہیں۔اس دوران احتجاجیوں کو بھگانے کے لئے لولیس نے ٹیر گیس شلنگ اور لاٹھی چارج کا ستعمال کیا۔ جس کے بعدولاقے میں تمام دکانیں اور تجارتی مراکز بندرہے۔