یمن: ساحلی علاقہ میں لڑائی جاری، ڈیڑھ سو سے زائد ہلاک

صنعا ،8جولائی: یمنی حکام نے بتایا ہے کہ ملک کی مغربی ساحلی پٹی پر ہونے والی لڑائی میں ہلاکتوں کی تعداد 165 تک پہنچ گئی ہے۔ گزشتہ دو ایام سے التحیتہ نامی علاقے میں سعودی عرب کی قیادت میں قائم عسکری اتحاد کے زمینی دستوں اور ایران نواز حوثی ملیشیا کے درمیان لڑائی جاری ہے۔ یہ الحدیدہ کے جنوب میں واقع ایک اہم مقام ہے۔ التحیتہ کی لڑائی میں شدت ایسے وقت میں پیدا ہوئی ہے جب اقوام متحدہ کے یمن کے لیے مقرر خصوصی ایلچی مارٹن گریفتھس امن مذاکرات کی بحالی کی کوششوں میں مصروف ہیں۔
یو این آئی