شوپیان جنوبی ضلع شوپیان میں ’کیش وین ‘پر نامعلوم بندوق برداروں نے مسلح حملہ کیا ،جسکے نتیجے میں 2سیکورٹی گارڈ ازجان ہوئے ۔یہ واقعہ پیر کو بعد دوپہر کیلر شوپیان میں پیش آیا ۔فائرنگ واقعے کے بعد فوج وفورسز نے پورے علاقے کو محاصرہ میں لیا اور حملہ آﺅروں کی تلاش شروع کردی۔
معلوم ہوا ہے کہ نامعلوم بندوق برداروں پو جو کیلر شوپیان میں پیر کو بعد دوپہر ایک بینک کیش وین پر حملہ کیا جس کے نتیجے میں 2سیکورٹی گارڈ شدید زخمی۔ذرائع کا کہنا ہے کہ نامعلوم بندوق برداروں نے وین پر اندھا دھند فائرنگ کی ،جسکے نتیجے میں کیش وین سڑک پر پلٹ گئی ۔
معلوم ہوا ہے کہ زخمی بینک سیکورٹی گارڈوں کو علاج ومعالجہ کی ضلع اسپتال میں داخل کیا گیا ،جہاں دونوں زخمی سیکورٹی گارڈ زخموں کی تاب نہ لاکر دم توڑ بیٹھے ۔میڈیکل اسپرانڈنٹنڈ ضلع اسپتال شوپیانڈاکٹر رشید پرا نے اموات کی تصدیق کی ہے۔
ازجان ہوئے سیکورٹی گارڈوں کی شناخت مشتاق احمد ساکنہ اننت ناگ ،طارق احمد ساکنہ تملے ہال کے بطو ر ہوئی ۔تاہم فوری طور پر یہ معلوم نہیں ہوسکا کہ بندوق برداروں نے کیش وین سے رقم لوٹ لی کہ نہیں ۔
فائرنگ واقعے کے بعد فوج وفورسز نے پورے علاقے کو محاصرہ میں لیا اور حملہ آﺅروں کی تلاش شروع کردی۔
معلوم ہوا ہے کہ بینک کیش وین شادی مرگ سے کیلر شوپیان جموں وکشمیر برانچ طرف جارہی تھی ۔ معلوم ہوا ہے کہ مہلوک سیکورٹی گارڈوں ایک نجی سیکورٹی فرم کےلئے کام کرتے تھے ۔
