دہلی میں گرمی کا غضب جاری
نئی دہلی، 7 جون : قومی دارالحکومت دہلی کے لوگوں کو جمعرات کو بھی شدیدگرمی کا سامنا کرنا پڑا۔محکمہ موسمیات کے مطابق دہلی میں زیادہ سے زیادہ درجہ حرارت 38 ڈگری سینٹی گریڈ کے آس پاس رہنے کا امکان ہے۔
محکمہ موسمیات نے شام کے بعد رات میں بھی آسمان میں بادل چھائے رہنے کی امید ظاہر کی ہے۔
دارالحکومت میں آج کم سے کم درجہ حرارت 29.2 ڈگری سیلسیس ریکارڈ کیا گیا۔ اس کے علاوہ صبح ساڑھے آٹھ بجے نمی کی سطح 58 فیصد رہی۔
بدھ کو دہلی میں زیادہ سے زیادہ درجہ حرارت 36.6 ڈگری سیلسیس ریکارڈ کیا گیا جوکہ معمول سے چار ڈگری کم ہے۔
یو این آئی.
