شہری ہلاکت پر کانگریس برہم

سرینگر؍27،جنوری ؍ریاستی کانگریس نے شوپیاں میں عام شہری کی ہلاکت پر سخت برہمی کا اظہار کرتے ہو ئے واقعے کی مزمت کی ۔کشمیر نیوز سروس کے مطابق ریاستی کانگریس کے ترجمان نے شوپیاں میں فائرنگ کے نتیجے میں نوجوان کی ہلاکت پر سخت برہمی کا اظہار کر تے ہو ئے واقعے کی مزمت کی ۔انہوں نے اس قسم کے واقعات کو بد قسمتی سے تعبیر کرتے ہو ئے کہا قیمتی جانوں کے زیاں کا کو ئی متبادل نہیں ہے۔انہوں نے نو جوانوں سے اپیل کی کہ وہ تشدد اور سنگ بازی کا راستہ ترک کیا جائے تاکہ اس قسم کے واقعات سے بچا جا سکے ۔انہوں نے کہا کہ ایسے واقعات سے وادی کشمیر کی صورتحال بہتر ہو نے کے بجائے ابتر ہو سکتی ہے ۔انہوں نے سیکورٹی فورسز پر زور دیا کہ وہ امن و قانون کی صور تحال سے نمٹنے کے دوران زیادہ سے زیادہ صبر و تحمل کا مظاہرہ کریں ۔انہوں نے اس دوران جاوید احمد کے لواحقین کے ساتھ تعزیت کا ہمدر دی کا اظہار کر تے ہو ئے کہا نو جوانوں سے اپیل کی امن قائم کر نے میں اپنا تعاون پیش کریں۔