احمدآباد۔ وجے روپانی نے منگل کو دوسری بار گجرات کے وزیر اعلی کے طور پر حلف لیا۔ گورنر او پی کوہلی نے انہیں گجراتی میں حلف دلائی۔ نائب وزیر اعلی کے طور پر نتن پٹیل نے بھی حلف لیا۔ گجرات میں بی جے پی نے چھٹی بار حکومت بنائی ہے۔ اس میں شامل ہونے کے لئے وزیر اعظم نریندر مودی اور بی جے پی کے قومی صدر امت شاہ احمد آباد پہنچے ہیں۔
قبل ازیں، وزیر اعظم نریندر مودی نے مسلسل چھٹی بار گجرات میں بی جے پی حکومت کی حلف برداری کی تقریب میں حصہ لینے سے پہلے اپنی ماں ہیرابین سے مل کر ان سے آشیرواد لیا۔ مسٹر مودی نے احمد آباد ہوائی اڈے پر اترنے کے بعد ایک منی روڈ شو نما پروگرام میں شرکت کی اور اس کے بعد سیدھے گاندھی نگر کے رائےسن روانہ ہوگئے جہاں انہوں نے اپنے چھوٹے بھائی پنکج مودی کے خاندان کے ساتھ رہنے والی 98 سالہ والدہ هيرابن سے ملاقات کی اور ان کا آشیرواد لیا۔ کچھ وقت وہاں گزارنے کے بعد وہ گورنر ہاؤس پہنچے اور بعد میں یہاں سیکرٹریٹ میدان میں حلف برداری کی تقریب میں پہنچے۔
