کہا کانگریس ۔ جے ڈی ایس اتحاد ناپاک تو بی جے پی ۔ پی ڈی پی اتحاد کیا ؟
سرینگر/ 20 مئی / نیشنل کانفرنس کے صدر اور سابق وزیر اعلی عمر عبداللہ نے کرناٹک میں کانگریس اور جنتا دل (سیکولر )کے اتحاد کو بھارتیہ جنتا پارٹی ( بی جے پی ) کے ذریعہ ’ناپاک ‘کہے جانے پر بی جے پی کو تنقید کا نشانہ بناتے ہوئے اس کے پیپلز ڈیموکریٹک فرنٹ ( پی ڈی پی ) اتحاد پر سوال اٹھایا ہے۔سی این آئی کے مطابق سابق وزیر اعلیٰ عبداللہ نے سماجی وئب سائٹ پر اپنی ایک ٹویٹ کرتے ہوئے ٹوئٹر پر کہا ’ بی جے پی نے اکثر کانگریس۔ جنتا دل ( ایس) اتحاد کو ’ ناپاک اتحاد‘ قرار دیا ہے۔ اس کے لئے بہتر یہ ہوگا کہ وہ پی ڈی پی کے ساتھ اپنے اتحاد کی وضاحت کرے۔ قابل غور ہے کہ جموں و کشمیر میں دفعہ 370 کے تحت مختلف معاملات پر اختلاف کے باوجود یہاں بی جے پی اور پی ڈی پی اتحاد کی حکومت قائم ہے ۔
