سرینگر /28نومبر / ٹی آئی نیوز
وادی کشمیر شدید سردی کی لپیٹ میں ہے جس دوران منفی 4.5ڈگری کے ساتھ سرینگر میں رواں موسم کی سرد ترین رات گزری
محکمہ موسمیات کے مطابق اسی طرح سے مشہور سیاحتی مقام پہلگام میں رات کا درجہ حرارت منفی 5.5ڈگری جبکہ پانپور اور پلوامہ میںبالترتیب منفی 6اور منفی 6.2ڈگری سلشس درج ہوا
محکمہ کے مطابق وادی کشمیر کا سب سے سرد ترین علاقہ شوپیان رہا جہاں رات کا درجہ حرارت منفی 6.7ڈگری رہا جس کے بعد بارہمولہ می منفی 5.9ڈگری اور قاضی گنڈ میں منفی 4.4ڈگری ، اونتی پورہ کے علاوہ شہرہ آفاق گلمرگ میں منفی 1.4ڈگری سیلشس درج ہوا ۔ پورے خطے میں سرد ترین نقطہ زوجیلا پاس رہا جو منفی 16ڈگری پر جم گیا ۔
اسی طرح سے جموں میں 9.4 ڈگری ، کٹرا میں 8.2ڈگری سیلشس درج ہوا
دریں اثنا، محکمہ موسمیات نے جموں و کشمیر میں اگلے ایک ہفتے کے لیے بنیادی طور پر خشک موسم کی پیش گوئی کی ہے، 2 اور 3 دسمبر کو ابر آلود رہنے کا امکان ہے۔
