سری نگر، 20 اگست
جموں و کشمیر میں خوشگوار موسم کے بیچ محکمہ موسمیات نے 23 اگست سے دن کے درجہ حرارت میں ایک بار پھر اضافہ درج ہونے کی پیش گوئی کی ہے۔
متعلقہ محکمے کی طرف سے جاری ایڈوئزری کے مطابق جموں خطے میں 20 اگست کو بھاری بارشوں کے نتیجے میں سیلابی ریلے، مٹی کے تودے گر آنے، زمین کھسکنے اور پتھر کھسکنے کے خطرات ہیں۔
محکمے کے ایک ترجمان نے بتایا کہ جموں وکشمیر میں 20 اگست کو مطلع ابر آلود رہنے کے ساتھ کئی مقامات پر گرج چمک کے ساتھ بارشیں ہوسکتی ہیں۔
انہوں نے کہا کہ کشمیر میں 23 اگست سے موسم میں کسی بڑی تبدیلی کا کوئی امکان نہیں ہے تاہم اس دوران جموں خطے میں صبح کے وقت بارشیں ہونے کا سلسلہ جاری رہ سکتا ہے۔
ان کا کہنا تھا کہ 23 اگست سے دن کے درجہ حرارت میں ایک بار پھر اضافہ درج ہوسکتا ہے۔
محکمے کی طرف سے جاری ایڈوئزری کے مطابق جموں خطے میں 20 اگست کو بھاری بارشوں کے نتیجے میں سیلابی ریلے، مٹی کے تودے گر آنے، زمین کھسکنے اور پتھر کھسکنے کے خطرات ہیں۔
موصوف ترجمان کے مطابق گذشتہ چوبیس گھنٹوں کے دوران سری نگر میں 4.6 ملی میٹر بارش ریکارڈ ہوئی ہے جبکہ سیاحتی مقام گلمرگ میں 2.8 ملی میٹر اور کپوارہ میں 8.0 ملی میٹر ریکارڈ ہوئی ہے۔
انہوں نے کہا کہ قاضی گنڈ میں بھی ہلکی بوندا باندی ہوئی ہے۔
دریں اثنا وادی کے بیشتر علاقوں میں منگل کی صبح بارشیں ہوئیں جس سے موسم خوشگوار ہوا۔
