سری نگر، 19 اگست
لداخ کے لیہہ ضلع میں سنیچر کو فوج کی ایک گاڑی سڑک سے پھسل کر گہری کھائی میں گرنے سے ایک جونیئر کمیشنڈ آفیسر (جے سی او) سمیت آٹھ فوجی ہلاک اور دو زخمی ہو گئے۔
فوج کے ایک افسر نے بتایا کہ یہ حادثہ آج شام لیہہ کے نیوما علاقے میں کیاری میں پیش آیا۔
انہوں نے کہا کہ واقعے کے فوراً بعد جائے وقوعہ پر بڑے پیمانے پر ریسکیو آپریشن شروع کیا گیا۔ تاہم، آٹھ فوجی موقع پر ہی ہلاک اور دو دیگر زخمی ہوئے
افسر نے مزید کہا کہ زخمیوں کو ہسپتال منتقل کر دیا گیا ہے۔
