ترال:جنوبی قصبہ ترال میں ہفتہ کو گرینیڈ کے ایک دھماکے میں دو فورسز اہلکاروں سمیت کئی افراد زخمی ہوئے ۔دھماکے کے فوراً بعد فوج وفورسز نے علاقے کو محاصرے میں لیکر حملہ آﺅروں کی تلاش شروع کردی جبکہ سیکورٹی کو مزید سخت کردیا گیا ۔
ابتدائی تفصیلات کے مطابق جنوبی کشمیر کے قصبہ ترال میں جنگجوﺅں نے بٹہ گنڈ ۔کچ مولہ روڑ پر سی آر پی ایف کی ایک پارٹی کو نشانہ بناتے ہوئے ہتھ گولہ پھینکا ،جو زوردار دھماکے سے پھٹ گیا ۔معلوم ہوا ہے کہ ہتھ گولہ پھٹنے سے آ ہنی ریزوں کی زد میں آکر دو فورسز اہلکار سمیت کئی افراد زخمی ہوئے ۔
پولیس حکام نے گرینیڈ دھماکے کی تصدیق کرتے ہوئے کہا کہ سی آر پی ایف کی گشتی پارٹی پر ہوئے گرینیڈ حملے میں دو شہری اور دو سیکورٹی فورسز اہلکار زخمی ہوئے ،جنہیں علاج ومعالجہ کےلئے سب ضلع اسپتال ترال میں داخل کیا گیا ۔
دھماکے کے فوراً بعد فوج وفورسز نے علاقے کو محاصرے میں لیکر حملہ آﺅروں کی تلاش شروع کردی جبکہ سیکورٹی کو مزید سخت کردیا گیا ۔
