سری نگر، 24 جنوری (یو این آئی) وادی کشمیر میں برف باری میں کمی ہونے کی وجہ سے لائن آف کنٹرول سمیت دور دراز علاقوں کو جوڑنے والی سادھنا اور رازدان دروں کو آمدورفت کے لئے کھول دیا گیا ہے۔
وادی میں 40 دنوں تک چلنے والے چلائے کلاں کے دوران یہ پہلا موقع پر جب اس شاہراہ کو آمدورفت کے لئے بحال کیا گیا ہے۔
ادھر لداح علاقہ کو کشمیر کے ساتھ جوڑنے والے قومی شاہراہ اور تاریخی مغل روڈ کے بند ہونے کی وجہ سے سری نگر جموں کشمیر قومی شاہراہ کو متبادل کے طور پر استعمال کیا جارہا ہے۔
تین سو کلو میٹر لمبی اس قومی شاہراہ پر گاڑیوں کو رایک جانب سے چلنے کی اجازت دی گئی ہے جب کہ چھوٹی گاڑیوں کو دونوں جانب سے چلنے کی اجازت ہے۔
ذرائع آمدورفت نے یو این آئی کو بتایا کہ تنگدھر اور سرحدی علاقوں کو کپواڑہ سے جوڑنے والی سادھنا ٹاپ مارگ سردیوں میں کچھ دنوں کو چھوڑ کر زیادہ تر کھلا رہتا ہے۔ انہوں نے بتایا کہ سادھنا ٹاپ پر برف کے تودے گرنے کی وجہ سے سات جنوری 11 لوگوں کی موت ہوگئی تھی۔
