راجدھانی نئی دہلی کے قرول باغ واقع ہوٹل اَرپت پیلس میں منگل کی صبح ایک بڑا حادثہ پیش آیا جس میں تقریباً 9 لوگوں کے ہلاک ہونے کی خبریں موصول ہو رہی ہیں۔ یہاں علی الصبح تقریباً ساڑھے چار بجے زبردست آگ لگ گئی۔ میڈیا ذرائع کے مطابق موقع پر دمکل کی 27 گاڑیاں اس آگ کو بجھانے میں مصروف ہیں۔ بتایا جا رہا ہے کہ آگ لگنے کے بعد کئی لوگ جانے بچانے کے لیے چوتھی منزل کی کھڑکی سے کود گئے۔
ان میں سے 9 لوگوں کی موت ہو گئی جب کہ کئی لوگوں کے زخمی ہونے کی اطلاع ہے۔ فی الحال راحت رسانی کا کام جاری ہے۔ موصولہ اطلاعات کے مطابق اموات کی یہ تعداد بڑھ سکتی ہے۔ فی الحال تقریباً 25 لوگوں کو ہوٹل سے حفاظت کے ساتھ باہر نکال لیا گیا ہے۔ آگ کس وجہ سے لگی، اس کا پتہ ابھی تک نہیں چل سکا ہے۔
