ترا:ترال میں دوسرے روز بھی تعزیتی ہڑتال رہی جس دوران پلوامہ کے کئی دیہی علاقوں میں مکمل ہڑتال سے معمولات زندگی ٹھپ ہوکررہ گئی ۔ جے کے این ایس کے مطابق عسکریت پسندوں کی یاد میں ترال میں دوسرے روز بھی ہڑتال ہی ۔
نمائندے کے مطابق کسی بھی ناخوشگوار واقعے کو ٹالنے کیلئے چپے چپے پر سیکورٹی فورسز کے اہلکاروں کو تعینات کیا گیا تھا تاہم لوگوں کے چلنے پھرنے پر کوئی پابندی عائد نہیں تھی ۔
معلوم ہوا ہے کہ پلوامہ کے مضافاتی علاقوں میں بھی ہڑتال کے نتیجے میں شاہراﺅں پر گاڑیوں کی آمدورفت معطل ہو کررہ گئی۔ نمائندے کے مطابق جاں بحق جنگجو کے لواحقین کے ساتھ دوسرے روز بھی تعزیتی پُرسی کا سلسلہ جاری رہا۔ ذرائع نے بتایا کہ ترال میں نوجوانوں نے احتجاجی جلوس بھی نکالا جس دوران نوجوان اسلام و آزادی کے حق میں نعرے بازی کر رہے تھے تاہم بعد میں یہ جلوس پُر امن طورپر اختتام پذیر ہوا۔
