جنوبی کشمیرمیں ریل خدمات بحال
سری نگر، 26 جولائی : جنوبی کشمیر میں سیکورٹی کے پیش نظر ایک دن کے لئے معطل ریل سروس کو جمعرات کو بحال کردیا گیا ہے۔
اننت ناگ کے لال چوک پر کل سلامتی دستوں کے ساتھ مڈبھیڑ میں لشکرطیبہ کے دو انتہا پسند وں کے مارے جانے کے بعد ریل خدمات کو احیتاطاً معطل کردیا گیا تھا۔
ریلوے کے ایک سینئر افسر نے یو این آئی کو بتایا کہ پولیس سے کل رات ہری جھنڈی ملنے کے بعد ریل خدمات کو بحال کردیا گیا ہے۔
افسر نے بتایاکہ جنوبی کشمیر میں بڈگام-سری نگر- اننت ناگ- قازی کنڈ سے جموں کے بانیہال کی طرف جانے والی ریل مقررہ وقت پر چلے گی۔
یو این آئی۔
