ایف بی آئی نے ٹرمپ کے پبلک ایڈوائزرسے منسلک دستاویزات عام کئے

واشنگٹن، 22 جولائی :امریکہ کی خفیہ ایجنسی ، وفاقی تحقیقاتی بیورو (ایف بی آئی) نے سال 2016 کے امریکی صدارتی انتخابات میں روس کے کردار کے معاملے میں صدر ڈونالڈ ٹرمپ کے انتخابی مہم کے مشیر کارٹر پیج سے منسلک دستاویزات عوامی کر دیئے ہیں۔
ایف بی آئی نے ہفتہ کو 412 صفحات پر مشتمل دستاویزات عوامی کر دیا۔ اس میں پیج کی تحقیقات سے منسلک وارنٹ، غیر ملکی انٹیلی جنس نگرانی کورٹ میں نگرانی کے لئے دی گئی درخواست شامل تھے۔اکتوبر 2016 میں دیئے گئے نگرانی درخواست میں کہا گیا’’ایف بی آئی کا کہنا ہے کہ پیج روس کی حکومت کے ساتھ ساز باز کرکے سازش رچ رہے تھے‘‘۔
عوامی کئے گئے دستاویزات میں مسٹر ٹرمپ کے عہدہ سنبھالنے کے بعد سال 2017 میں جاری حالیہ وارنٹ اور درخواست میں شامل ہیں۔
جاری کئے گئے دستاویزات میں کہا گیا ہے’’ایف بی آئی کا کہنا ہے کہ روس کی حکومت نے پیج اور شاید مسٹر ٹرمپ کے پرچار سے منسلک دیگر ساتھیوں کے ساتھ تال میل کی کوشش کی گئی۔ پیج نے روسی حکومت کے حکام کے ساتھ تعلقات قائم کئے جسمیں روس کے خفیہ افسران بھی شامل تھے‘‘۔
خیال رہے پیج روس کی حکومت کے ایجنٹ ہونے کے الزامات سے انکار کرتے رہے ہیں۔
رائٹر