لندن، 15 جولائی : امریکہ کے صدر ڈونالڈ ٹرمپ 2020 میں ہونے والا صدارتی انتخاب لڑنا چاہتے ہیں۔
برطانیہ کے ’سنڈے‘ اخبار کو میل کے ذریعے دیے گئے انٹرویو میں مسٹر ٹرمپ نے کہا ہے کہ وہ سال 2020 میں ہونے والا الیکشن لڑنا چاہتے ہیں کیونکہ ’’ہر کوئی مجھے چاہتا ہے‘‘اور ڈیموکریٹک پارٹی کا کوئی بھی امیدوار ان کو شکست نہیں دے سکتا‘‘۔
برطانوی صحافی پیئرس مورگن کی جانب سے پوچھے گئے سوالات کا جواب دیتے ہوئے مسٹر ٹرمپ نے کہا،’’ہاں میں مکمل ارادہ رکھتا ہوں۔ ایسا لگتا ہے جیسے ہر کوئی مجھے ہی چاہتا ہے‘‘۔
انہوں نے کہا’’انہیں کوئی ڈیموکریٹک امیدوار دکھائی نہیں دے رہا ہے جو ان کو شکست دے سکتا ہو۔ مجھے کوئی دکھائی نہیں دیتا۔ میں ان سب کو جانتا ہوں اور مجھے کوئی دکھائی نہیں دیتا‘‘۔
قابل ذکر ہے کہ مسٹر ٹرمپ سال 2016 میں امریکہ کے صدر منتخب ہوئے تھے اور سال 2020 میں ان کی مدت کار مکمل ہو رہا ہے۔
رائٹر
‘2020 میں صدارتی انتخاب لڑنا چاہتے ہیں ٹرمپ’
Follow US
Must Read
