جموں و کشمیر کی وزیر تعلیم سکینہ ایتو نے کہا کہ حکومت نے اساتذہ کے مفادات کے تحفظ کی یقین دہانی کراتے ہوئے ٹیچر اہلیت ٹیسٹ (ٹی ای ٹی) کے معاملے پر سپریم کورٹ میں نظرثانی کی درخواست دائر کی ہے۔
وزیر نے مائیکروبلاگنگ سائٹ ایکس پر لکھا “ بطور عزم، نظرثانی کی درخواست معزز سپریم کورٹ میں دائر کی گئی ہے۔ حکومت نے اس معاملے کی مسلسل پیروی کی ہے اور ہمارے اساتذہ کے مفادات کے تحفظ کے لیے پوری طرح پرعزم ہے“۔
خیال رہے کہ 30 مئی کو حکومت نے کہا تھا کہ وہ ٹیچر اہلیت ٹیسٹ (ٹی ای ٹی) کے معاملے پر سپریم کورٹ میں نظرثانی کی درخواست دائر کرے گی۔
ایتو نے پہلے کہا”جموں و کشمیر کے اساتذہ سے متعلق ٹی ای ٹی کے معاملے پر، حکومت نے ہمیشہ ذمہ داری اور فعال طریقے سے کام کیا ہے۔ ہم نے اس معاملے کو مسلسل اٹھایا ہے اور، سب سے اہم بات، ٹھوس کارروائی کے ساتھ اس کی پیروی کی ہے“۔
