ادھم پور /24اپریل
ضلع اودھم پور کے بسنت گڑھ میں سیکورٹی فورسز اور ملی ٹنٹوں کے درمیان ایک فوجی جوان جاں بحق ہوا ہے جبکہ علاقے میں آپریشن وسیع پیمانے پر جاری ہے۔
فوج کی وائٹ نائٹ کور نے ”ایکس پر ایک پوسٹ کے ذریعے جانکاری فراہم کرتے ہوئے کہا کہ ایک مصدقہ انٹیلی جنس اطلاع پر کارروائی کرتے ہوئے اودھم پور کے بسنت گڑھ علاقے میں آج صبح پولیس کے ساتھ مل کر ایک مشترکہ سرچ آپریشن شروع کر دیا گیا۔
انہوں نے کہا”’اس دوران طرفین کے درمیان آمنا سامنا ہوا اور شدید گولیوں کا تبادلہ ہوا“۔
پوسٹ میں مزید کہا گیا”گولیوں کے ابتدائی تبادلے کے دوران ایک بہادر فوجی جوان زخمی ہوا جو بعد میں بہتر طبی امداد کی فراہمی کے باوصف زخموں کی تاب نہ لا کر دم توڑ گیا“۔انہوں نے کہا کہ علاقے میں وسیع پیمانے پر آپریشن جاری ہے۔
