سوپور ولر جھیل کے گرد بھنڈ کی عدم موجودگی کے خلاف عوام سراپا احتجاج

سوپور کے ہتھ لنگو علاقے کے عوام نے کہا ہے کہ جھیل ولر کے ارد گرد بھنڈ کی عدم موجودگی سے عوام کوکئی مشکلات کا سامنا کرنا پڑتا ہے۔عوام کا کہنا ہے کہ جھیل ڈل کا پانی بستیوں کی طرف داخل ہوکرسیلابی صورتھال پیدا کرتا ہے۔ان کا کہنا ہے کہ بچوں کو دوبنے کا خدشہ بھی لاحق رہتا ہے۔عوام نے الزام لگایا کہ متعلقہ محکمہ اس طرف کوئی توجہ نہیں دے رہا ہے۔انہوں نے حکومت سے مانگ کی ہے کہ جھیل ولر کے ارد گردبھنڈ تعمیر کیا جائے ۔
اس دورا ن عوام نے کہا کہ علاقے میں ایک طبی مرکز قائم ہے. محکمہ صحت نے ایک اور مرکز قائم تو کیا لیکن اس طبی مرکز میں کسی ملازم کو تعینات نہیں کیا گیا۔بلکہ پہلے سے موجود مرکز سے ہی ملازمین کو نئے مرکز میں منتقل کیا گیا۔جس سے پہلے سے موجود طبی مرکز بیکار ہوگیا ہے۔عوام نے الزام لگایا کہ سیاسی اثر رسوخ کی وجہ سے ٹھیکیداروں کو کام فراہم کرنے کے بہانے سے عمارتیں تعمیر تو کی جاتی ہیں جو بعد میں بیکار ہوجاتی ہیں۔اس طرح سے خزانہ عامرہ کو دو دو ہاتھوں سے لوٹا جارہا ہے۔