کشمیر میں پاک ،سعودی ٹی وی چینلوں پر پابندی عائد

تعمیل ارشاد ملٹی میڈیا ڈیسک
نئی دہلی کے حکمنامے کے مطابق کشمیر میں سعودی عرب اور پاکستانی ٹی وی چینلوں پر پابندی عائد کی گئی ہے۔کشمیر ی عوام نے سوشل میڈیا کے ذریعے اپنی ناراضگی کا اظہار کیا ہے۔
کشمیری نوجوان نیاز احمد شاہ نے فیس بک پر کچھ اس طرح سے ناراضگی کا اظہار کیا ہے۔
"وہ اپنے آپ کو جمہوری ملک کہتے ہیں اور اگر وہ اس طرح کے احکامات صادر کرتے ہیں تو اشارہ ہے کہ وہ جنگ ہار چکے ہیں اور زبر دستی قابض ہیں”
اسی طرح سے کشمیر کے سماجی کارکن شہناز ٹینگ اپنے ایک فیس بک پوسٹ میں کہتے ہیں "کچھ خرابی ہے میرے ٹی وی کے ریمونٹ کنٹرول میں،میرے ٹی وی پر جو جینلوں کی فہرست دکھائی دے رہی ہے لگتا ہے اس میں ترمیم کی گئی ہے،اور کچھ چینلیں کم کی گئی ہیں،ہم راہل اور گوسوامی کے چینل پسند نہیں کرتے”
ان جینلوں پر ریاست میں ہندوستان مخالف پروگرام دکھانے کاالزام عائد کیا گیا ہے۔جس پر ریاستی عوام نے کہا ہے کہ حکومت عوام کو اپنی من پسند ٹی وی چینلیں دیکھنے سے نہیں روک سکتے۔
مرکزی وزیر اطلاعات و نشریات نے ریاستی حکومت سے اس بارے میں رپورٹ پیش کرنے کی ہدایات جاری کی ہیں۔