نئی دہلی، 20 فروری (یواین آئی) سپریم کورٹ پنجاب نیشنل بینک گھوٹالہ معاملہ کے کلیدی ملزم نیرو مودی کی حوالگی سے متعلق عرضی پر جمعہ کو سماعت کرے گا۔درخواست گزار ونیت ڈھانڈا کی جانب سے وکیل جے پی ڈھانڈا نے چیف جسٹس دیپک مشرا، جسٹس اے ایم كھانولك اور جسٹس ڈی وائی چندرچوڑ کی بنچ کے سامنے کیس کا خاص طور سے ذکر کیا اور اس سے فوری سماعت کی اپیل کی۔
جسٹس مشرا نے کہا کہ بنچ اس درخواست کی سماعت جمعہ (23 فروری) کو کرے گی۔درخواست گزار نے پی این بی گھوٹالہ کے کلیدی ملزم نیرو مودی کی فوری حوالگی ، پی این بی اور ریزرو بینک آف انڈیا کے قصوروار حکام کے خلاف سخت کارروائی کرنے اور اس طرح کی دھوکہ دہی سے بینکوں کو بچانے کے لئے ہدایات طے کرنے کی مرکز کو ہدایات دینے کی کورٹ سے درخواست کی ہے۔
پی این بی گھوٹالہ معاملہ میں یہ دوسری عرضی ہے۔پہلی درخواست وکیل ایم ایل شرما نے دائر کی ہے۔
