وادی میںکانگڑیوں اور کوئلہ کی قیمتیں آسمان پر، کانگڑیوں اور کوئلہ کیلئے کوئی قمیت مقرر نہیں ، متعلقہ محکمہ خاموش

سرینگر/02جنوری/سی این آئی/ گزشتہ روز سے وادی میں سردی کی سخت لہر کے بعد کانگڑیوں اور کوئیلوں کی قیمتوں میں اچانک زبردست اضافہ کیا گیا ہے ، ’’ژار کانگر‘‘ 500روپئے فروخت جبکہ دیگر کانگڑیوں کی قمیت 200روپئے سے شروع ، کوئیلہ ایک بوری کی قیمت 400سے 700روپئے کر دی گئی ہے ۔ کرنٹ نیوزآف انڈیا کے مطابق وادی میں درجہ حرارت میں جہاں دن بدن گراوٹ ہو رہی ہے وہیں پر کوئلہ اور کانگڑیوں کی قمیتوں میں ہوش رُبا اضافہ کر دیا گیا ہے جس کی وجہ سے غریب لوگوں کی مشکلات بڑھ گئی ہے ۔ گذشتہ شب سے وادی میں درجہ حرارت مزید گر گیا ہے ۔ سرینگر میں آج کا درجہ حرارت زیادہ سے زیادہ 10ڈگری سیلسئس ریکارڈ ہوا ہے اور دن میں سردی کی شیت لہر دوڑ گئی ہے ۔ سردی میں اچانک اس قدر اضافے کا ناجائز فائدہ اُٹھاتے ہوئے کوئلہ بیوپاریوں اور کانگڑیوں کا کاروبار کرنے والے لوگوں نے ان میں راتوں رات سینکڑوں روپیوں کا اضافہ کیا ہے ۔ رواں ہفتے میں جہاں ’’ژار‘‘ کانگڑی 200روپئے سے 300روپئے فروخت کی جارہی تھی وہیں پر آج بازاروں میں اس کانگڑی کی قیمت کم سے کم 400روپئے سے 500روپئے کر دی گئی ہے جبکہ معمولی کانگڑیوں کی قمیتوں میں بھی اچانک اضافہ کر دیا گیا ہے ۔ اور دیگر کانگڑیوں کو 200، 250،300روپئے فروخت کیا جارہا ہے ۔ اس کے علاوہ کوئلوں کی قیمتوں میں بھی زبردست اضافہ کیا گیا ہے کوئلہ جو رواں ماہ کے ابتدائی دنوں میں250روپئے سے لیکر 300فروخت کی جارہی تھی آج کی تاریخ میں 400روپئے سے لیکر 700روپئے فی بوری کر دی گئی ہے ۔ سردی کی سخت لہر سے جہاں لوگوں کو گوناگوں مشکلات میں اضافہ ہوا ہے وہیں پر غربا کانگڑیوں و کوئلوں کو خریدنے کی سکت کھو چُکے ہے۔ اس حوالے سے متعلقہ محکمہ کی خاموشی معنی خیز ہے کیوں کہ آج تک محکمہ نے نہ تو کانگڑیوں کی قمیت مقرر کی ہے اور نا ہی کوئلوں کی قیمت مقرر کر دی گئی ہے جس کی وجہ سے کوئلہ و کانگڑیوں کا کاروبار کرنے والے افراد بلا خوف ان چیزوں میں من مانی قیمت لوگوں سے وصول کر رہے ہیں ۔