سوپور میں تین حریت لیڈر ان پھر سے گرفتار

سوپور/16فروری/کے این ٹی // پولیس نے احتیاط کے طور پر گیلانی کی بگڑتی صحت کے حوالے سے پھیلائی جارہی افواہوں کے حوالے سے کئی حریت لیڈران کو شمالی کشمیر کے سوپور قصبہ سے گرفتار کیا ہے۔ ذرائع نے کشمیر نیوز ٹرسٹ کو بتا یا کہ سوپور میں پولیس نے حریت لیڈران جن کو حال ہی میں رہا کیا گیا تھا کو پھر سے گرفتار کیا ہے۔ ان میں غلام محمد خان سوپوری، غلام نبی زکی اور شبیر احمد ڈار وغیرہ شامل ہیں۔ ذرائع کے مطابق ان لیڈران کو احتیاط کے طور پولیس تھانوں میں مقید کیا گیا ہے ۔ پولیس کو خدشہ تھاکہ یہ لیڈران سید علی گیلانی کی بگڑتی صحت کے حوالے سے پھیلائی جارہی افواہوں کے حوالے سے قصبہ میں احتجاج کرینگے جس سے امن و قانون بگڑنے کا خدشہ تھا۔ واضح رہے کہ گیلانی کے فرزند نسیم گیلانی نے کہا کہ ان کے والد صاحب صحت یاب ہورئے ہیں اور لوگوں کو ان کے حوالے سے پھیلائی جارہی افواہوں پر دھیان نہیں دینا چاہئے۔