امرناتھ یاترا 2026 کے سلسلے میں سنیچروار کے روز جموں کے بھگوتی نگر یاتری نواس بیس کیمپ سے 9182یاتریوں پر مشتمل دسواں قافلہ سخت حفاظتی انتظامات کے درمیان کشمیر کی جانب روانہ ہوا۔
حکام کے مطابق روانہ ہونے والے یاتریوں میں 2,435 خواتین، 256 سادھو، 46 سادھویاں اور 31 بچے بھی شامل ہیں۔ یاتریوں کو علی الصبح سخت سیکورٹی حصار میں دو الگ الگ قافلوں کی صورت میں جنوبی کشمیر کے ضلع اننت ناگ میں واقع ننوان (پہلگام) اور وسطی کشمیر کے ضلع گاندربل میں واقع بالتال بیس کیمپوں کی جانب روانہ کیا گیا۔
تفصیلات کے مطابق 5,877 یاتری 206 گاڑیوں کے قافلے میں روایتی پہلگام راستے سے یاترا کریں گے، جبکہ 3,305 یاتری 127 گاڑیوں میں بالتال راستے سے گھپا کی طرف روانہ ہوئے۔
قابل ذکر ہے کہ 57 روزہ سالانہ امرناتھ یاترا کا آغاز 3 جولائی کو ہوا تھا اور یہ 28 اگست کو رکشا بندھن کے موقع پر اختتام پذیر ہوگی۔
حکام کے مطابق اس سال اب تک دو لاکھ سے زائد یاتری سطح سمندر سے تقریباً 3,880 میٹر کی بلندی پر واقع مقدس امرناتھ گھپا میں درشن کر چکے ہیں۔
انتظامیہ، سیکورٹی فورسز اور امرناتھ شرائن بورڈ کی جانب سے یاتریوں کی حفاظت، سہولت اور کامیاب یاترا کو یقینی بنانے کیلئے دونوں راستوں پر وسیع پیمانے پر انتظامات کیے گئے ہیں۔
