شمالی ضلع بانڈی پورہ کے حاجن علاقے میں جمعہ کی دوپہر تین افراد کے دریائے جہلم میں غر قاب ہونے کے بعد ایک کو بچا لیا گیا جبکہ دو کی تلاش جاری ہے
اطلاعات کے مطابق واقعہ سے مقامی لوگوں میں خوف وہراس پھیل گیا جنہوں نے فوری طور پر امدادی کارروائیاں شروع کر دیں۔ ایک شخص کو مقامی لوگوں نے بچا لیا اور علاج کے لیے قریبی طبی مرکز میں منتقل کر دیا گیا۔
ریسکیو ٹیمیں رضاکاروں کے ساتھ مل کر دونوں لاپتہ افراد کی تلاش کے لیے سرچ آپریشن جاری رکھے ہوئے ہیں۔
حکام نے ابھی تک ملوث افراد کی شناخت جاری نہیں کی ہے اور نہ ہی اس واقعے کی درست صورت حال کی تصدیق کی ہے۔
مزید تفصیلات کا انتظار ہے۔
