جی ایس ٹی سے متعلق فارم داخل کرنے کی آخری تاریخ میںتوسیع

جموں/: گورنر انتظامیہ نے جنوری 2019 ء میں ٹیکس دہندگان کو ماہانہ جی ایس ٹی آر 3بی داخل کرانے میں پیش آرہی دشواریوں کے تناظر میں یہ رٹرن داخل کرنے کی آخری تاریخ 28فروری 2019 ء تک بڑھا دی ہے ۔
یہ معاملہ گورنر کے مشیر کے کے شرما نے 20فروری 2019ء کو منعقدہ جی ایس ٹی کونسل کی 33ویں میٹنگ کے دوران اُٹھایا۔اس موقعہ پر مشیر موصوف نے کونسل کو بتایا کہ ریاست کے ٹیکس دہندگان کو 20؍ فروری 2019ء تک داخل کئے جانے والے رٹرنس بھرنے میں امن و قانون کی بگڑتی صورتحال اور موبائیل انٹرنیٹ خدمات بند ہونے کی وجہ سے دشواریوں کا سامنا کرنا پڑا ۔
جی ایس ٹی کونسل نے ریاست کے اس منصوبے پر غور کرنے کے بعد ماہانہ جی ایس ٹی آر 3بی داخل کرنے کی آخری تاریخ 28فروری 2019ء تک بڑھا دی ۔ اس سلسلے میں حکومت کی طرف سے 20فروری کو ایک نوٹفیکشن بھی جاری کیا گیا۔