ضلع ڈوڈہ میں ایک کرکٹ میچ کے دوران نوجوان کھلاڑی اچانک گر پڑا اور بعد ازاں اس کی موت واقع ہوگئی۔
عین شاہدین کے مطابق گندوہ تحصیل کے تھلوران اسپورٹس اسٹیڈیم میں جاری کرکٹ میچ کے دوران مذکورہ کھلاڑی بولنگ کرتے ہوئے اچانک میدان میں بے ہوش ہو کر گر پڑا۔ساتھی کھلاڑیوں اور مقامی افراد نے اسے فوری طور پر طبی امداد کیلئے قریبی اسپتال منتقل کیا، تاہم ڈاکٹروں نے اسے مردہ قرار دے دیا۔کھلاڑی کی شناخت سہیل احمد ساکنہ بھدرواہ کے طور پر ہوئی ہے۔
ادھر پولیس نے واقعہ کی تصدیق کرتے ہوئے بتایا کہ موت کی اصل وجہ کا ابھی تعین نہیں ہوسکا ہے۔ انہوں نے کہا کہ نعش کو قانونی و طبی کارروائی کے لیے اسپتال منتقل کیا گیا ہے۔ انہوں نے بتایا کہ معاملے سے متعلق کیس درج کرکے تحقیقات شروع کردی گئی ہے ۔
