سال رواں میں سالانہ امرناتھ یاترا کیلئے رجسٹریشن کا عمل جموں میں شروع ہو گیا ہے ۔ حکام کے مطابق پیشگی رجسٹریشن آن لائن اور آف لائن دونوں طریقوں میں کھلی ہے۔خیال رہے کہ 57 روزہ یاترا 3 جولائی کو اور 28 اگست کو رکھشا بندھن پر اختتام پذیر ہوگی۔پنجاب نیشنل بینک کے جموں سرکل ہیڈ، ڈی جی ایم پنکج کمار ورما نے نامہ نگاروں کو بتایا”امرناتھ یاترا کے لیے رجسٹریشن شروع ہو گئی ہے۔ یہاں بہت زیادہ رش ہے کیونکہ یاتری خود کو رجسٹر کرنے کے لیے آ رہے ہیں۔ اسے آن لائن اور آف لائن دونوں طریقوں سے کھولا گیا ہے“۔
انہوں نے کہا کہ پنجاب نیشنل بینک یاترا کیلئے نوڈل بینک کے طور پر کام کرتا ہے۔ہندوستان بھر میں، 556 بینک شاخیں رجسٹریشن کے عمل میں شامل ہیں، جن میں سے پنجاب نیشنل بینک کی 310 شاخیں حصہ لیتی ہیں۔جموں میں آف لائن برانچوں بشمول جے کے بینک اور پی این بی کی شاخوں میں صبح 8 بجے سے ہی لمبی قطاریں لگ گئیں کیونکہ عقیدت مند رجسٹریشن کے عمل کے آغاز سے ایک گھنٹہ پہلے قطار میں کھڑے تھے۔
