سرینگر /02جنوری / ٹی آئی نیوز
وزارت داخلہ نے جمعہ کے روز AGMUT کیڈر کے سینئر آئی پی ایس افسران کی فوری طور پر تعیناتی کا حکم دیا، جس سے لداخ میں ایک اہم تبدیلی کی نشاندہی کی گئی۔
ایک سرکاری حکم کے مطابق آئی پی ایس مکیش سنگھ جو سنٹرل ڈیپوٹیشن سے وطن واپسی پر تھے، کو ڈائریکٹر جنرل آف پولیس لداخ مقرر کیا گیا ہے۔
دریں اثنا، آئی پی ایس شیو درشن سنگھ جموال کو ڈی جی پی لداخ کے عہدے سے تبدیل کرکے ڈی جی پی، اروناچل پردیش کے طور پر تعینات کیا گیا ہے۔ آئی پی ایس آنند موہن جو ڈی جی پی اروناچل پردیش کے طور پر خدمات انجام دے رہے تھے، کو دہلی میں تعینات کیا گیا ہے۔
وزارت نے کہا کہ تبادلوں کو مجاز اتھارٹی نے منظوری دے دی ہے اور یہ اگلے احکامات تک نافذ رہیں گی۔
