سرینگر، 3 ستمبر
خراب موسمی صورتحال کے پیش نظر حکام نے وادی کشمیر میں بدھ کو تمام کالج اور سرکاری و غیر سرکاری اسکول بند رکھنے کا حکم جاری کیا ہے۔
صوبائی کمشنر کشمیر کی طرف سے جاری ایک حکمنامے میں کہا گیا کہ ناساز گار موسمی صورتحال کے پیش نظر کشمیر میں آج یعنی بدھ کو تمام کالج اور اسکول احتیاطی طور پر بند رہیں گے۔
انہوں نے کہا کہ یہ فیصلہ طلبا اور عملے کے تحفظ کے پیش نظر لیا گیا ہے۔
واضح رہے کہ جموں وکشمیر میں گذشتہ 12 گھنٹوں سے موسلا دھار بارشوں کا سلسلہ جاری ہے جس سے کئی علاقوں میں ایک بار پھر سیلابی صورتحال پیدا ہوئی ہے۔
حکام نے لوگوں سے احتیاط برتنے کی تاکید کی ہے۔
