سری نگر، 5 جون
کئی روز تک موسمی صورتحال دگرگوں رہنے کے بعد محکمہ موسمیات نے وادی کشمیر میں 12 جون تک موسم عام طور پر خشک اور گرم رہنے کی پیش گوئی کی ہے۔محکمے نے اپنی ایڈوائزری میں کہا ہے کہ وادی میں 7 جون سے گرم اور مرطوب موسم رہنے کا امکان ہے۔
کسانوں سے اپنے کھیت کھلیانوں اور باغوں میں آپریشنز دوبارہ شروع کرنے کا مشورہ دیا گیا ہے۔متعلقہ محکمے کے ایک ترجمان نے بتایا کہ وادی میں 5 سے 12 جون تک موسم عام طور پر خشک رہنے کا امکان ہے تاہم اس دوران دو پہر کے بعد کہیں کہیں گرج چمک کے ساتھ ہلکی بارشوں کو خارج از امکان قرار نہیں دیا جا سکتا ہے۔انہوں نے کہا کہ بعد میں 13 اور 14 جون کو بھی کہیں کہیں بارشوں کا امکان ہے۔
محکمے نے اپنی اپنی ایڈوائزری میں کہا ہے کہ وادی میں 7 جون سے گرم اور مرطوب موسم رہنے کا امکان ہے۔کسانوں سے اپنے کھیت کھلیانوں اور باغوں میں آپریشنز دوبارہ شروع کرنے کا مشورہ دیا گیا ہے۔
