سرینگر، 01 اپریل
جموں و کشمیر کے وزیر اعلیٰ عمر عبداللہ نے آج سری نگر کے شیرِ کشمیر انٹرنیشنل کانفرنس سینٹر میں خصوصی طور پر خواتین کے لیے مفت بس سروس کا افتتاح کیا۔
حکام کے مطابق اس اقدام کا مقصد پورے خطے کی خواتین کے لیے محفوظ اور قابل رسائی ٹرانسپورٹیشن فراہم کرنا ہے، جس سے کام کرنے والے پیشہ ور افراد، طالب علموں اور دیگر خواتین مسافروں کو ان کے سفری بوجھ کو کم کرکے فائدہ پہنچے۔
مفت بس سروس نیشنل کانفرنس حکومت کی خواتین کی بہبود کو فروغ دینے اور جموں و کشمیر میں خواتین کے لیے پبلک ٹرانسپورٹ تک رسائی کو بہتر بنانے کی وسیع تر کوششوں سے ہم آہنگ ہے۔
