سرینگر /10فروری /
کشمیر سے کٹرا تک ریل سروس کی شروعات اگلے 15روز میں ہونے کا امکان ہے ۔ میڈیا رپورٹس کے مطابق ویشنو دیوی کٹرا اور سرینگر کے درمیان بہت زیادہ متوقع ”وندے بھارت “ٹرین اگلے پندرہ دنوں کے اندر شروع ہونے والی ہے۔
یہ وادی کشمیر کیلئے پہلی سیمی ہائی اسپیڈ ٹرین اور یونین ٹریٹری کیلئے تیسری ٹرین ہوگی۔ٹرین جو پہلے ہی خطے میں پہنچ چکی ہے، کامیابی سے اپنا آزمائشی دوڑ مکمل کر چکی ہے۔ ناردرن ریلوے زون کے ذریعہ چلائی جانے والی اور دیکھ بھال کرنے والی، نارنجی اور سرمئی رنگ کی ٹرین جلد ہی اپنی تجارتی سروس شروع کرنے کی امید ہے۔
ریلوے کے ایک سینئر افسر نے قومی نیوز ایجنسی کو بتایا کہ کٹرا سرینگر وندے بھارت ایکسپریس اگلے پندرہ دنوں کے اندر شروع ہونے کا امکان ہے۔ وزیر اعظم نریندر مودی ٹرین کو ہری جھنڈی دکھائیں گے۔
سفر کا کرایہ ابھی طے نہیں ہوا ہے، لیکن توقع ہے کہ اے سی چیئر کار کیلئے 1600تک روپے اور ایگزیکٹو چیئر کار کیلئے 2500روپے ہوں گے۔کشمیر کے موسمی حالات کیلئے ڈیزائن کی گئی اس وندے بھارت ٹرین میں خاص اینٹی فریزنگ خصوصیات ہیں۔
