سرینگر/ 25 اپریل/ ٹی آئی نیوز
جموں و کشمیر پولیس نے سرینگر میں درج ایک فرضی پی ایم او آفیشل کیس کے سلسلے میں گجرات سے ایک شخص کو گرفتار کیا ہے۔
سرکاری ذرائع نے بتایا کہ ایک شخص کی شناخت پیوش بھائی، ولد کانتی بھائی، ساکن احمد آباد، ریاست کے طور پر کی گئی ہے، کو کرن بھائی پٹیل کے جعلی وزیٹنگ کارڈ بنانے کے الزام میں گجرات میں اس کے پرنٹنگ پریس ‘آکانکشا کریشن’ سے گرفتار کیا گیا، جس نے مبینہ طور پر جعلی ذرائع سے کشمیر میں سیکورٹی اسٹیبلشمنٹ کو ایڈشنل ڈائریکٹر وزیر اعظم کے دفتر، نئی دہلی کے طور پر ظاہر کیا۔
پیوش کو پولیس اسٹیشن نشاط سرینگر میں درج ایف آئی آر نمبر 19 آف 2023 کے سلسلے میں گرفتار کیا گیا تھا۔
