ما بعد برفباری :صوبائی انتظامیہ نے برفانی تودے گر آنے کی وارننگ جاری کردی

سری نگر 13جنوری
جموں وکشمیر میں تازہ برف باری کے بیچ پہاڑی علاقوں میں برفانی تودے گر آنے کی واننگ جاری کی گئی ہے۔صوبائی انتظامیہ کے مطابق جموں وکشمیر کے بانڈی پورہ ، بارہ مولہ ، ڈوڈہ ، گاندربل ، کپواڑہ اور جموں کے رام بن ، پونچھ اور کشتواڑ اضلاع میں برفانی تودے گر آنے کا امکان ہے۔انہوں نے کہاکہ اننت ناگ ، کولگام میں بھی آئندہ چوبیس گھنٹوں کے دوران درمیانہ درجے کے برفانی تودے گر آنے کا امکان ہے۔ ناسازگار موسمی حالات کے پیش نظر صوبائی کمشنر نے متعلقہ اضلاع کے ترقیاتی کمشنروں کو ہدایت دی ہے کہ وہ لوگوں کی نقل و حرکت کے دوران احتیاط برتنے کی صلاح دیں اور ایسے علاقوں میں جانے سے پرہیز کریں جہاں تودے گر آنے کا اندیشہ رہتا ہے۔