سرینگر /28ستمبر / ٹی آئی نیوز
سرینگر جموں شاہراہ پر سیب سے بھری گاڑیوں کو درماندہ رکھنے کے معاملے پر تاجروں کے احتجاج کے ایک دن بعد حکومت نے بدھ کو ایس ایس پی ٹریفک ہائی وے شبیر احمد ملک کو تبدیل کرکے انہیں پولیس ہیڈ کوارٹر جموں و کشمیر کے ساتھ منسلک کر دیا جبکہ ایس ایس پی رام بن کو اگلے احکامات تک اس عہدے کا اضافی چارج سونپ دیا گیا ۔
اس ضمن میں جاری ایک حکمنامہ کے مطابق ایس ایس پی ٹریفک ہائی وے شبیر احمد ملک کو تبدیل کرکے انہیں پولیس ہیڈ کوارٹر جموں و کشمیر کے ساتھ منسلک کر دیا اور موہتا شرما (آئی پی ایس) ایس پی رام بن کو اگلے احکامات تک اس عہدے کا اضافی چارج سنبھالنے کو کہا گیا ہے۔اگرچہ حکمنامہ میں منتقلی کی کوئی وجہ نہیں بتائی گئی ہے ۔
