ترقیاتی کمشنر بڈگام نے پی ایم۔ایس وائی ایم پنشن سکیم کی عمل آوری کاجائزہ لیا

بڈگام: ضلع ترقیاتی کمشنر بڈگام ڈاکٹر سید سحرش اصغر نے آج آفیسران کی ایک میٹنگ کی صدارت کے دوران ضلع میں پردھان منتری شرم یوگی مندھن پنشن سکیم کی عمل آوری کاجائزہ لیا۔سکیم کی عمل آوری کے لئے ترقیاتی کمشنرنے متعلقہ آفیسران کو جائزہ غیر منظم کامگاروں ،ایم جی نریگا جاب کارڈ ہولڈرس،اینٹ بٹھوں میں کام کرنے والوں،مرکبانوں،اورلیبر کارڈ ہولڈروں کے علاوہ دیگر مستحق ورکروں کو پنشن سکیم کے دائرے میں لانے کی ہدایت دی۔اس موقعہ پر ترقیاتی کمشنر نے متعلقہ محکموں،بشمول ایمپلائمنٹ اوردیہی ترقی محکمے کو ایک دوسرے کے ساتھ قریبی تال میل قائم رکھنے کی ہدایت دی تاکہ مستحق ورکروں کی فہرست ترتیب دی جاسکے۔انہوںنے پرنٹ اور الیکٹرانک میڈی کے ذریعے سکیم کے بارے میں لوگوں کو جانکاری فراہم کرنے پر زوردیا تاکہ مستحق کامگاروں کی فہرست تیار کرنے کی راہ ہموار ہوسکے۔
اس دوران اسسٹنٹ ڈائریکٹر ایمپلائمنٹ بڈگام کو ہدایت دی گئی کہ وہ روزانہ زیادہ سے زیادہ کامگاروں کا اندراج یقینی بنائیں۔