جموں و کشمیر واقع پلوامہ میں حملوں کے بعد پورے ملک میں احتجاج دیکھنے کو مل رہا ہے۔ جموں میں ماحول انتہائی کشیدہ ہے اس وجہ سے بس نواب آباد، بخشی نگر، پیر میٹھا، پکا ڈانگا، چنّی ہمت، جانی پور، ڈومانا اور باغِ باہو علاقوں کے بس اسٹینڈس پر کرفیو نافذ کر دیا گیا ہے۔
میڈیا ذرائع کے مطابق جموں و کشمیر کے مختلف علاقوں میں مقامی لوگ پاکستان کے خلاف احتجاجی مظاہرے کر رہے ہیں۔ کٹھوعہ میں بھی کئی جگہ سڑکوں پر لوگ جمع ہو گئے ہیں اور ہندوستان کا جھنڈا لے کر پاکستان کے خلاف نعرہ بازی کر رہے ہیں۔
