جموں سے اجمیر جانے والی ٹرین، چھ مشتبہ افراد کو پٹھانکوٹ ریلوے سٹیشن پر گرفتار

سرینگر26نومبر : پولیس نے دعویٰ کیا ہے کہ جموں سے اجمیر جانے والی ٹرین سے چھ مشتبہ افراد کو پٹھانکوٹ ریلوے سٹیشن پر گرفتار کرکے اْن سے پوچھ تاچھ شروع کی گئی ہے۔گرفتار شدگان اتوار کو ‘پوجا ایکسپریس’ میں سوار تھے جو جموں سے اجمیر (راجستھان)جارہی تھی۔ٹرین کو پٹھانکوٹ ریلوے سٹیشن پر روک کر اس میں سوار چھ مشتبہ افراد کو گرفتار کیا گیا۔ذرائع سے معلوم ہوا ہے کہ گرفتار شدگان میں اکثر کا تعلق جموں کشمیر ہے۔حکام کے مطابق پنجاب پولیس اور جموں کشمیر پولیس مشترکہ طور گرفتار شدگان کی پوچھ تاچھ کررہے ہیں جبکہ اْن کے ساتھ دیگر سیکورٹی حکام بھی ہیں۔