پونچھ : لائن آف کنٹرول پر ہند پاک افواج کے درمیان پونچھ میں گولہ باری کا تبادلہ ہوا.دفاعی ترجمان نے بتایا کہ پاکستانی فوج نے جنگ بندی معاہدہ کی خلاف ورزی کی .
ان کا کہناتھا کہ پاکستانی فوج نے گلپور سیکٹر پونچھ میں 17 اور18 ستمبر کی درمیانی رات قریب ایک بجے بھاری فوج کی اگلی چوکیوں کو نشانہ بناتے ہوئے فائرنگ کی .
انہوں نے کہا کہ اس کا موثر جواب دیا گیا ،تاہم فائرنگ کا یہ تبادلہ ساڑھے 3 بجے رات تک جاری رہا .فائرنگ کے اس واقعے میں اِس طرف کوئی جانی ومالی نقصان نہیں ہوا.
