سرینگر ہوائی اڈے پر تین پروازیں منسوخ

یوم جمہوریہ کے انتظامات کے پیش نظر دہلی ہوائی اڈے پر نافذ نوٹم کے باعث بدھ کو سری نگر ہوائی اڈے پر آنے اور جانے والی تین پروزایں منسوخ کر دی گئیں۔
واضح رہے کہ دہلی ہوائی اڈے پر جاری کردہ نوٹم کی وجہ سے سری نگر ہوائی اڈے پر منگل کو بھی 2 پروازیں منسوخ کر دی گئی تھیں۔
سری نگر ائیر پورٹ افسران نے بدھ کو ‘ایکس’ پر ایک پوسٹ کے ذریعے اس پیش رفت کی تصدیق کرتے ہوئے کہا کہ ‘یوم جمہوریہ کی تقریبات کے لئے انتظامات کے پیش نظر دہلی ہوائی اڈے پر نافذ نوٹم کے باعث آج سری نگر ہوائی اڈے سے آنے اور جانے والی 3 پروازیں متعلقہ ائیر لائنز کی جانب سے منسوخ کر دی گئی ہیں’۔
افسران نے مسافروں سے اپیل کی ہے کہ وہ ہوائی اڈے کی طرف روانہ ہونے سے قبل اپنی ائیر لائنز سے پرواز کی تازہ صورتحال کی تصدیق کریں۔
انہوں نے مسافروں سے اس وجہ سے ہونے والی زحمت پر معذرت کا اظہار کیا ہے۔