سرینگر 26جولائی//
منشیات کی لعنت کو ختم کرنے اور ممنوعہ اشیاءکی غیر قانونی کاشت کو روکنے کے لیے اپنی کوششوں کو جاری رکھتے ہوئے، ہندواڑہ پولیس نے آج ہنڈواڑہ کے یونیسو علاقے میں بھنگ کو تلف کرنے کی مہم چلائی۔
مہم کے دوران غیر قانونی طور پر کاشت کی گئی جھاڑیوں کی ایک بڑی کھیپ کی نشاندہی کر کے اسے موقع پر ہی تلف کر دیا گیا۔ اس آپریشن میں محکمہ ایکسائز، نمبرداروں اور مقامی شہریوں کی فعال شرکت دیکھنے میں آئی جنہوں نے منشیات کے استعمال اور معاشرے پر اس کے مضر اثرات کے خلاف اس اجتماعی کوشش میں پولیس کے ساتھ مکمل تعاون کیا۔
یہ مہم ہندواڑہ پولیس کے سینئر افسران کی نگرانی میں چلائی گئی۔ مقامی کمیونٹی کے ارکان کو منشیات کی لت کے مضر اثرات اور نشہ آور پودوں کی کاشت کے قانونی نتائج کے بارے میں بھی آگاہ کیا گیا۔
ہندواڑہ پولیس منشیات سے پاک معاشرے کے لیے اپنی وابستگی کا اعادہ کرتی ہے اور عام لوگوں سے اپیل کرتی ہے کہ وہ اپنے علاقوں میں کسی بھی غیر قانونی کاشت یا منشیات سے متعلق سرگرمیوں کی اطلاع دیں۔
