ایس ایچ اور چھ پولیس اہلکارو ں کے کورنا ٹیسٹ مثبت

سرینگر/05ستمبر: جموں کے اکھنور ضلع میں ایس ایچ او سمیت چھ پولیس اہلکار وں کے کورنا ٹیسٹ مثبت آنے کے بعد پولیس اسٹیشن کو تا حکم ثانی بند کر دیا گیا ہے ۔ سی این آئی کو اس ضمن میں ملی تفصیلات کے مطابق جموں صوبے کے اکھنور ضلع میں پولیس اسٹیشن میں سٹیشن ہاوس آفیسر سمیت چھ پولیس اہلکار کورنا سے متاثر ہو گئے ہیں ۔ ایس ڈی پی او اکھنو ر نے اس کی تصدیق کرتے ہوئے بتایا کہ آفیسر اور چھ پولیس اہلکاروں کے کورنا ٹیسٹ مثبت آنے کے بعد اکھنور پولیس سٹیشن اور پلن والا پولیس پوسٹ کواگلے احکامات تک بند کیا گیا ہے۔انہوں نے کہا کہ تمام پولیس اہلکاروں کوآسولیشن میں منتقل کر دگیا ہے اور پولیس تھانہ کو احتیاطی طور پر تاحکم ثانی بند کر دیا گیا ہے ۔ ایس ڈی پی او کے مطابق پولیس آفیسر اور دیگر اہلکاروں کی صحت یابی کے بعد ہی پولیس تھانے میں معمول کا کام دوبارہ بحال کیا جائے گا ۔ خیال رہے کہ گزشتہ کئی دنوں سے کورنا وائرس کے کیسوں میںکافی اضافہ دیکھنے کو ملا ہے اور جموں کشمیر میں مثبت معاملات میں اوچھال دیکھنے کو ملی ہے ۔