لولاب :کنویں میں گر کر بچی کی موت
سرینگر:١٨، جولائی : لولاب کپوارہ میں اُس وقت صف ماتم بچھ گئی جب سیور دردبن گائوں میں کھیل کود کے دوران ایک معصوم بچی کنویں میں گر کر لقمہ اجل بن گئیں ۔اس سلسلے میں ملی تفصیلات کے مطابق لولاب کپوارہ کے سیور دردبن گائوں میں دیگر بچوں کے ساتھ کھیل کود میں مصروف ایک معصوم بچی پیر پھسلنے کے باعث کنویں میں گر گئیں ،جسکی وجہ سے معصوم کی موت ہوگئی ۔معلوم ہوا ہے کہ معصوم کی شناخت3سالہ رتبہ رمضان والد محمد رمضان کے بطور ہوئی ۔اس دوران پورے گائوں میں کہرام اور صف ماتم بچھ گئی ۔
