یہ المیہ ہے کہ وکیل کو انعام و اکرام سے نوازا گیا ۔ اس سے عصمت ریزی کے کلچر کی ہمیت افزائی ہوگی: سابق وزیر اعلیٰ محبوبہ مفتی
سرینگر؍؍18جولائی: کٹھوعہ عصمت ریزی اور قتل کے الزام میں گرفتار اہم ملزم کے وکیل کو ریاست کا ایڈیشنل ایڈوکیٹ جنرل نامزد کرنے پر سابق وزیرا علیٰ نے شدید برہمی کا اظہار کرتے ہوئے کہاکہ یہ المیہ ہے کہ ورلڈ ڈے آف انٹرنیشنل جسٹس منانے کے ایک روز بعد عصمت ریزی کے اہم ملزم کے وکیل دفاع کو ترقی سے نوازا گیا جو انصاف کے روح کے خلاف ہے۔ خبر رساں ایجنسی یو پی آئی کے مطابق سابق وزیرا علیٰ محبوبہ مفتی نے گورنر انتظامیہ کی جانب سے کٹھوعہ عصمت ریزی اور قتل کے الزام میں اہم ملزم کے وکیل کو ریاست کا ایڈیشنل ایڈوکیٹ جنرل نامزد کرنے پر شدید غم وغصے کا اظہار کرتے ہوئے کہاکہ یہ انصاف کے روح کے خلاف ہے۔ سابق وزیرا علیٰ محبوبہ مفتی نے ٹویٹر پر اپنے خیالات کا اظہار کرتے ہوئے کہاکہ یہ المیہ ہے کہ ’’ورلڈ ڈے آف انٹرنیشنل جسٹس ‘‘ منانے کے ایک روز بعد کٹھوعہ بھیانک واقعے میں ملوث اہم ملزم کے وکیل کو ترقی سے نواز ا گیا ۔ انہوں نے کہاکہ وکیل کو انعام و اکرام سے نوازنا انصاف کے روح کے خلاف اور ناگوار ہے ۔ انہوں نے کہاکہ اس طرح سے عصمت ریزی کے کلچر کی ہمت افزائی ہوگی ۔
