چمبا اترکاشی شاہراہ پر بس کھائی میں گری، 10 ہلاک
دہرادون، 19 جولائی : اتراکھنڈ میں چمبا اترکاشی شاہراہ پر كرگني کے پاس جمعرات کی صبح اسٹیٹ روڈویز ٹرانسپورٹ کارپوریشن کی ایک بس گہری کھائی میں گر گئی جس میں 10 افراد کی موت ہو گئی اور نو دیگر زخمی ہو گئے۔ سرکاری ذرائع کے مطابق بس میں 25 مسافر سوار تھے اور كرگني کے پاس یہ بس 250 میٹر گہری کھائی میں گر گئی۔
حادثے کی اطلاع ملتے ہی كاندیكھال اور چمبا تھانہ کی پولیس موقع پر پہنچ گئی اور راحت کا کام شروع کر دیا۔ضلع انتظامیہ کے سینئر افسران اور فائر بریگیڈ کی ٹیمیں جائے حادثہ پر پہنچ چکی ہیں۔
روڈ سیکورٹی کی ٹیمیں ریسکیو کےکاموں میں لگی ہوئی ہیں اور آٹھ مسافروں کو کھائی سے نکال کراسپتالوں میں بھیجا جا رہا ہے۔
چمبا پولیس لائن ہیلی پیڈ سے ہیلی کاپٹر پہنچ چکا ہے۔تفصیلا ت کا انتظار ہے۔
یو این آئی.
