نئی دہلی
وزیر دفاع راج ناتھ سنگھ مشرقی ایشیائی ممالک کے ساتھ اسٹریٹجک شراکت داری اور دفاعی تعاون کو بڑھانے کے لیے پیر کو منگولیا اور جاپان کے پانچ روزہ دورے پر روانہ ہوں گے۔ وزارت دفاع نے اتوار کو ایک بیان میں یہ اطلاع دی ۔ اس سے قبل ٹویٹر پر جناب راج ناتھ سنگھ نے کہا، "اپنے اتحادیوں اور شراکت داروں کے ساتھ بات چیت کرنے کے لیے 5 ستمبر سے 9 ستمبر تک منگولیا اور جاپان کے دورے کے منتظر ہیں۔ ٹوکیو میں 2+2 وزارتی سطح کا مکالمہکیلئے بھی میں بے تاب ہوں۔ انہوں نے مزید کہا، ہندوستان دفاعی تعاون کو مضبوط بنانے اور علاقائی سلامتی اور استحکام کو آگے بڑھانے کا خواہاں ہے۔ وزارت دفاع کے مطابق راج ناتھ سنگھ 5 سے 7 ستمبر 2022 تک منگولیا کا دورہ کریں گے۔ آئندہ دورہ کسی ہندوستانی وزیر دفاع کا منگولیا کا پہلا دورہ ہے اور دفاعی تعاون کو مزید مستحکم کرے گا۔ دونوں ممالک کے درمیان اسٹریٹجک شراکت داری مضبوط ہوگی۔ وزارت کے سرکاری بیان میں کہا گیا ہے کہ منگولیا میں اپنے قیام کے دوران راج ناتھ سنگھ منگولیا کے وزیر دفاع گرسیدین سیخان بیار کے ساتھ دو طرفہ بات چیت کریں گے۔ دو طرفہ بات چیت کے دوران، دونوں وزرائے دفاع ہندوستان اور منگولیا کے درمیان دوطرفہ دفاعی تعاون کا جائزہ لیں گے، اور دو طرفہ مصروفیات کو مزید مضبوط بنانے کے لیے نئی پہل کی تلاش کریں گے۔ دونوں رہنما مشترکہ دلچسپی کے علاقائی اور عالمی امور پر بھی تبادلہ خیال کریں گے۔ راج ناتھ سنگھ منگولیا کے صدر یو خرل سکھ اور منگولیا کی ریاست عظیم کھرل کے چیئرمین جی زندانشتا سے بھی ملاقات کریں گے۔
