میکسیکو میں دردناک حادثہ :گھر میں آتشزدگی سے سات بچوں کی موت

میکسیکو سٹی، 29 دسمبر میکسیکو کی گنجان آبادی والے ازتاپالاپا علاقے میں جمعہ کی صبح ایک گھر میں لگی آگ سے سات بچوں کی درد ناک موت ہو گئی ۔
پولیس ذرائع نے بتایا کہ یہ آگ بوئیناوستا علاقے میں لگی اور اس کی زد میں آنے سے سات بچوں کی موت ہو گئی۔ان بچوں کی عمر دو سے 13 سال کے درمیان ہے۔ جس وقت یہ حادثہ ہوا اس وقت ان کے والدین گھر پر نہیں تھے۔ ذرائع نے بتایا کہ آگ لگنے کی وجوہات کا ابھی تک پتہ نہیں چل سکا ہے ۔آتشزدگی کی اطلاع ملتے ہی فائر بریگیڈ کی گاڑيا موقع پر پہنچ گئی تھیں لیکن کسی بھی بچے کو اندر سے نہیں نکالا جا سکا۔مقامی ٹیلی ویژن چینل کے مطابق سردی سے بچنے کے لئے ان کے والدین نے اندر کوئی اوزار لگا رکھا تھا اور شاید اس میں شارٹ ساركٹ کی وجہ سے آگ لگی ہو۔
قابل غور ہے کہ ان دنوں میکسیکو میں زبردست سردی پڑ رہی ہے اور لوگ اکثر گیس یا کسی آلے کی مدد سے کمروں کو گرم رکھنے کی کوشش کرتے ہیں