سرینگر /13مارچ / اینٹی کورپشن بیورو نے فنڈس کے غلط استعمال کے کیس کے معاملے میںایگزیکٹو آفیسر، میونسپل کمیٹی شوپیان اور دیگر افراد کیخلاف مقدمہ درج کیا ہے۔
سی این آئی کے مطابق اینٹی کرپشن بیورو نے امتیاز احمد ڈار، ایگزیکٹو آفیسر میونسپل کمیٹی شوپیان ، غلام رسول میر، خلاف ورزی افسر، نصیر احمد اندرابی، ہیڈ اسسٹنٹ، شوکت حسین تیلی، ورکس سپروائزر، شکیل احمد بٹ ، ڈرائیور اور دیگر ان کے خلاف فوجداری بدعنوانی کا مقدمہ درج کیا ہے۔
اے سی بی کی جانب سے جاری کردہ بیان کے مطابق تصدیق کے دوران یہ بات سامنے آئی کہ میونسپل کمیٹی شوپیان نے سال 2018 میں جی ای ایم پورٹل سے ایک اشوکا لی لینڈ BS-IV ٹپر خریدا تھا جس کے خلاف انہوں نے جنوری 2018 سے 31 مارچ 2020 تک 11,051 لیٹر کا ایندھن جاری کیا تھا۔ ایگزیکٹیو آفیسر، میونسپل کمیٹی، شوپیاں نے ایک کمیٹی تشکیل دی جس نے مذکورہ ٹپر کے خلاف 11 لیٹر فی گھنٹہ ایندھن کی کھپت طے کی تھی، جب کہ میکینکل انجینئرنگ ڈپارٹمنٹ کی رائے کے مطابق تصدیق کے دوران اسے صرف 3 لیٹر فی گھنٹہ شمار کیا گیا تھا۔
اس طرح، 8 لیٹر فی گھنٹہ ایندھن کو کمیٹی کی قیادت میں لوگوں نے اپنے سرکاری عہدے کا غلط استعمال کرتے ہوئے ہڑپ کیا جو کہ مذکورہ مدت کے لیے مجموعی طور پر 11,051 لیٹر ہو گیا۔ اس کے علاوہ، پہلے سے گراو¿نڈ ٹپر کے خلاف، کمیٹی نے فروری 2018 سے مارچ 2020 تک 3566 لیٹر کا ایندھن بھی غیر قانونی طور پر جاری کیا جس کی وجہ سے کئی لاکھ روپے کے فنڈز کا غلط استعمال ہوا۔
کیس کے اندراج کے بعد ملزمین کے رہائشی مکانات بمنہ سرینگر، فرستہ بل پامپور، پوچھل پلوامہ ، بٹ پورہ شوپیاں اور ہرگام شوپیاں میں قانون کے مطابق تلاشی لی گئی۔ بیان میں کہا گیا کہ تلاشی کے دوران کیس سے متعلق کچھ اہم دستاویزات اکٹھی کی گئیں اور اس کے نتیجے میں ضبط کر لیے گئے، بیان میں کہا گیا ہے کہ کیس کی مزید تفتیش جاری ہے۔
